Віншуем Алеся Бяляцкага на волі!

Статус катэгорыі:
Красавік 22, 2016 16:42

Пасля больш як трох гадоў за кратамі быў амніставаны вядомы беларускі праваабаронца Алесь  Бяляцкі.

На чыгуначным вакзале ў Мінску  актывіста сустрэлі дзясяткі неабыякавых да яго людзей. Пасля вызвалення Алесь падзяліўся сваімі думкамі з журналістамі расійскага тэлеканала  “Дождж”. На думку Бяляцкага, паўтор “Майдану” таксама мажлівы ў Беларусі і Расіі. У якасці доказу сваіх словаў Алесь прапанаваў узгадаць падзеі пачатку дзевяностых гадоў на тэрыторыі Ўсходняй Еўропы.

Рэакцыя Бруселя на вызваленне лідэра праваабарончай арганізацыі “Вясна” была імгненнай. Еўрапейскі саюз выказаў надзею  на тэрміновае вызваленне ўсіх палітычных вязняў у Беларусі, а таксама іх поўную рэабілітацыю. Што ў рэшце рэшт можа паўплываць на нармалізацыю стасункаў  паміж Беларуссю і Еўрапейскім саюзам.

Як паведаміў сам Алесь Бяляцкі на прэс-канферэнцыі ў штаб-кватэры праваабарончага цэнтра ”Вясна”, што з Беларусі выязджаць ён не збіраецца і плануе займацца той самай справай, якой займаўся да арышту.

Прэс-канферэнцыю Алеся Бяляцкага вы можаце паглядзець па  спасылцы: http://www.svaboda.org/content/article/25431646.html

Фота Сяргея Гудзіліна, Наша Ніва

Апошнія трэнды