У Варшаве Станіславу Шушкевічу ўручаць дыплом doktora honoris causa SGH

Вышэйшая гандлёвая школа ў Варшаве (SGH) запрашае 5 чэрвеня на ўручэнне дыплому doktora honoris causa SGH прафесару Станіславу Шушкевічу. Урачыстасць пачнецца аб 11:00, а для тых, хто не зможа прысутнічаць асабіста , будзе арганізаваныя он-лайн трансляцыя
Станіслаў Шушкевіч – першы кіраўнік незалежнай Беларусі, тройчы намінаваны на Нобелеўскую прэмію міру ў 2007, 2008 і 2009 гадах, актыўна прымаў удзел у пабудове дэмакратычных інстытутаў улады, грамадзянскай супольнасці і рынкавай эканомікі. Прафесар таксама вядомы як спецыяліст у галіне радыёфізікі і ядзернай фізікі, аўтар больш як 150 навуковых прац, 2 падручнікаў, 7 манаграфій, суаўтар 73 адкрыцяў, пад яго кіраўніцтвам былі напісаныя 33 кандыдацкія працы ў галіне фізіка-матэматычных навук.
Больш інфармацыі пра падзею – sgh.waw.pl