Спектакль №7 тэатра Карняг адкрые Eye On Culture фестываль культуры у Варшаве

17 кастрычніка ў Тэатры Польскім адбудзецца cпектакль тэатра Карняг «Спектакль №7», а ўвечары – афтэрпаці ў клубе Sen Pszczoly з дыджэй-сэтам Papa BO.

Тэатр Карняг – незалежная беларуская мастацкая група. «Спектакль №7» прапануе асаблівы погляд на страх. Пастаноўка звяртаецца да сур’ёзнай і інтэлектуальнай аўдыторыі, якая думае пра тое, «Хто мы? Адкуль мы? Куды мы ідзем?». «Спектакль №7» – гэта сумесь харэаграфіі, драмы, пантамімы і гратэска, якія ствараюць шматслойную мастацкую рэчаiснасць.

Аўтар і рэжысёр: Яўген Карняг. У ралях: Святлана Анікей, Валянціна Гарцуева, Аляксандр Казело, Віталь Краўчанка, Вольга Скварцова.

Спектакль адкрые Eye On Culture Festival фестываль культуры, які пройдзе 17-20 кастрычніка 2013 г. у Варшаве.

Больш iнфармацыi: http://eyeonculturefestival.eu/?lang=en