“Салідарныя з Беларуссю” гэтым разам таксама салідарныя і з Украінай

Статус катэгорыі:
Красавік 22, 2016 16:38

Канцэрт “Салідарныя з Беларуссю”, на якім выступіць “Ляпіс Трубяцкі”, адбудзецца 11 красавіка ў Варшаве. Распачнецца ён а 19-й гадзіне на плошчы насупраць гатэля Брысталь. Канцэрт будзе магчымасцю для жыхароў Варшавы выказаць сваю падтрымку грамадзянскай супольнасці Беларусі, шансам узгадаць і падтрымаць палітычных вязняў у Беларусі, а таксама выказаць сваю нязгоду з парушэннямі правоў чалавека ў Беларусі.

Сёлета канцэрт “Салідарныя з Беларуссю” будзе таксама своеасаблівай падтрымкай грамадзянскай супольнасці Украіны. Таму, апрача “Ляпісаў”, на ім выступяць гурты “Казак Сістэм”, “Малео Роджы Рокерс”, а таксама “Амарока”. Усе музыкі, што заграюць на канцэрце “Саліданыя з Беларуссю”ў гэтым годзе, выступалі на кіеўскім Майдане.

Падчас канцэрту са сцэны таксама прагучыць беларуская паэзія, якую прачытаюць польскія і беларускія акторы. Госцем канцэрту будзе Андрэй Пачобут – журналіст, які сядзеў у турме за крытыку Лукашэнкі. Апрача гэтага, усе салідарныя з Беларуссю возьмуць удзел у адмысловым хэпенінгу. Канцэрт будзе траслявацца на тэлеканале Белсат і на Радыё Рацыі.

У гэтым годзе акцыю “Салідарныя з Беларуссю” дапоўняць выстава беларускіх плакатаў (пройдзе на Кракаўскім прадмесці), якія не могуць быць выстаўленыя ў Мінску, а таксама семінары і дыскуссі па беларусскіх пытаннях.

Акцыя “Салідарныя з Беларуссю” адбудзецца таксама і ў іншых гарадах Польшчы. У розных культурных падзеях можна будзе паўдзельнічаць у Гданьску, Кракаве, Лодзі і Катавіцах.

Арганізуюць канцэрт Ініцыятыва Вольная Беларусь супольна са Сталічнай Эстрадай, тэлеканалам Белсат і Радыё Рацыяй пры падтрымцы гарадскіх уладаў Варшавы, фонда Стэфана Баторыя, фонда Кондрада Адэнаўра, Клуба Каталіцкай Інтэлегенцыі, фонда Адкрыты Дыялог, еўрадэпутата Паўла Залеўскага.

Апошнія трэнды