Прэс-клубу Беларусь адзін год! Чарговая сустрэча беларускіх журналістаў у Варшаве.

22 чэрвеня 2012, Кракаўскае Прадмесце 64 (Dom Polonii)

Год таму ў Варшаве быў утвораны Прэс-клуб Беларусь. За гэты час Прэс-клуб Беларусь стаў месцам нефармальных сустрэчаў журналістаў з дыплатамамі, творцамі, а таксама іншымі цікавымі асобамі.

Сярод заснавальнікаў клубу — выключна беларусы— вядомыя журналісты, рэдактары і выдаўцы незалежных беларусіх СМІ: Юлія Слуцкая, Зміцер Новікаў, Аляксандр Старыкевіч, Алесь Ліпай, Аляксандр Уліцёнак, Аляксей Дзікавіцкі, Пётр Марцаў, Віктар Марціновіч. Паводле правілаў сеткі міжнародных клубаў, яны могуць існаваць толькі ў краінах, дзе існуе свабода слова, менавіта таму сёння Прэс-клуб Беларусь існуе ў Варшаве. Падтрымаў ініцыятыву беларускіх медыйшчыкаў Press Club Polska, які ўжо цягам году ласкава прадастаўляе сваю пляцоўку для сустрэч беларускіх журналістаў у Варшаве.

Чарговая сустрэча Прэс-клубу Беларусь адбудзецца 22 чэрвеня а 17й гадзіне. На ёй маюць прысутнчаць рэдактары беларускіх незалежных медыяў. Сустрэча адбудзецца па традыцыйным адрасе – Кракаўскае Прадмесце 64 (Dom Polonii).

Сардэчна запрашаем!