Прадстаўнікі трэцяга сектару абвясцілі пра кампанію за вызваленне Алеся Бяляцкага

Статус катэгорыі:
Красавік 22, 2016 15:49

47 арганізацыяў і ініцыятываў падпісалі заяву аб неадкладным вызваленні праваабаронцы і з заклікам да калегаў, грамадзян Беларусі, прадстаўнікоў міжнароднай супольнасці выступіць у падтрымку Бяляцкага й далучыцца да кампаніі па вызваленьні правааброцы.

 Прысуд вядомаму праваабаронцу й грамадзкаму дзеячу, старшыню ПЦ “Вясна” Алесю Бяляцкаму выклікаў абурэнне і асуджэнне сярод прадстаўнікоў грамадзкай супольнасьці Беларусі.

З гэтай нагоды была прынятая адмысловая Заява з патрабаваннем неадкладнага вызвалення праваабаронцы і заклікам да калегаў, грамадзянаў Беларусі, прадстаўнікоў міжнароднай супольнасці выступіць у падтрымку Бяляцкага й далучыцца да кампаніі па вызваленьні правааброцы.

Заяву падпісалі 47 грамадзкіх арганізацыяў і ініцыятываў, у шэрагі якіх ўваходзяць тысячы актывістаў па ўсёй Беларусі.

Прадстаўнікі арганізацыяў грамадзянскай супольнасьці выказалі  рашучае абурэнне вынесеным праваабронцу прысудам і адзначылі, што распачынанне крымінальнай справы супраць Алеся Бяляцкага, наступнае яе вядзенне і вынясенне прысуду мелі неправавы характар, а прысуд мае незаконны характар.  

Падпісанты заявы перакананыя, што крымінальная справа супраць Бяляцкага не мае нічога агульнага з агучанымі ў судзе мэтамі, і была распачатая выключна як сродак ціску і рэпрэсій супраць праваабаронцы, яго калег з цэнтру “Вясна”  і ўсяго праваабарончага руху краіны. 

У заяве таксама ўказваецца на шэраг парушэнняў працэсуальнага заканадаўства, якія стала прысутнічалі падчас следства і судовага разьбіральніцтва. 

Паводле прадстаўнікоў арганізацыяў і ініцыятываў трэцяга сэктару, хуткім часам у Інтэрнэце зьявіцца ан-лайн пэтыцыя й кожны асобны неабыякавы чалавек зможа далучыцца да кампаніі за вызваленне Алеся Бяляцкага.

 

Апошнія трэнды